Традиционное общество России (IX - XVII вв.). Гузарова Н.И - 27 стр.

UptoLike

ВУЗ: 

ТПУ | Томск

Составители: 

Рубрика: 

Документ № 6.
Устав князя Ярослава. 12 век.
1. А се аз, князь великыи Ярослав, сын Володимиров, по данию отца своего
сгадал есмь с митрополитом киевским и всея Руси Иларионом, сложихом гречески
номоканон; еже не подобает сих тяж судити князю, ни боярам его, ни судьям его, дал
есмь митрополиту и епископам: роспуты по всем городом . . .
2. Аще кто умучит девку или насилит, аще боярская дочи будет, за сором 5
гривен злата, а митрополиту 5 гривен золота; аще будет меньших бояр, гривна золота
еи, а митрополиту гривна золота; а добрых людеи будет, за сором рубль, а
митрополиту рубль; на умыцех по 60 митрополиту, а князь их казнить.
4. Аще же пустит боярин жену великых бояр, за сором еи 300 гривен, а
митрополиту 5 гривен золота, а меньших бояр гривна золота, а митрополиту гривна
золота; а нарочитых людеи 2 рубля, а митрополиту 12 гривен, а князь казнить.
5. Аще же девка блядеть или дитяти добудет у отца, у матери или вдовою,
обличивши, пояти ю в дом церковныи.
7. Аже девка засиделась великых бояр, митрополиту 5 гривен золота, а меньших
бояр - гривна золота, а нарочитых людеи - 12 гривен, а простои чади рубль.
8. Аже муж от жены блядет, митрополиту нет кун, князь казнити.
9. Аже муж оженится иною женою, а с старою не роспустится, митрополиту
вина, молодую поняти в дом церковныи, а со старою жити.
10. Аже поидеть жена от своего мужа за иными муж или иметь блясти от мужа,
ту жену поняти в дом церковныи, а новоженя в продажи митрополиту.
11. Аще будет жене лихыи недуг, или слепа, или долгая болезнь, про то еа
пустити.
12. Тако же и жене нелзе пустити мужа.
16. Аще ближни род поимеется, митрополиту 40 гривен, а их разлучити, а
опитемию примуть.
19. Аще жидовин или бессерменин будет с русскою, на иноязычницех
митрополиту 50 гривен, а русскую поняти в дом церковныи.
20. Аще кто блудить с черницею, митрополиту 40 гривен, а во опитемию
вложити.
21. Аще ли кто с животиною блуд створить, митрополиту 12 гривен, а во
опитемии и в казни.
29. Аще девка не въсхощеть замуж, то отец и мати силою дадять. А что девка
учинить над собою, то отец и мати митрополиту в вине.
30. Аще кто зовет чужую жену блядию, а будеть боярска жена великых бояр, за
сором 5 гривен золота, а митрополиту 5 гривен золота, а князь казнить; а будет
меньших бояр - 3 гривны золота, а митрополиту рубль; селенце - 60 резан, а
митрополиту 3 гривны.
27

Страницы