Традиционное общество России (IX - XVII вв.). Гузарова Н.И - 29 стр.

UptoLike

ВУЗ: 

ТПУ | Томск

Составители: 

Рубрика: 

Документ № 7.
Договор Новгорода с немецкими городами в 1189-1199 гг.
Се аз князь Ярослав Володимирич сгадав с посадником с Мирошкою, и с
тысяцким Яковом, и с всеми новгородъци, подтвердихом мира старого с послом
Арбудом,и всеми немьцкими сыны и съ гты, и с всемь латиньским языком. Послал
есмь посла своего Григу на сеи правде.
Первое. Ходити новгородцю послу и всякому новгородцю в мир в Немечьску
землю и на Гъцк берег; такоже ходите немьчьмь и гтяном в Новгород без пакости, не
обидем никымже.
Аче будет суд князю новгороцкъму Новегороде или немецкъму в Немчьх, а в
том миру ити гостю домов бес пакости.
А кого бог поставить князя, а с тем мира подтвердить, любо ли земля без миру
станет.
А оже убьють новгородца посла за морем или немецкыи посол Новгороде, то за
ту голову 20 гривен серебра.
А оже убьють купчину новгородца или немчина купчину Новегороде, то за ту
голову 10 гривен серебра.
А оже мужа свяжють без вины, то 12 гривн за сором старых кун.
Оже ударять мужа оружеемь, либо колом, то 6 гривн за рану старые.
Оже упьхньть любо мятель роздрьть, то 3 гривны старые.
Оже пошибает мужеску жену любо дчьрь, то князю 40 гривн ветхъми кунами, а
жене или мужьское дчери 40 гривен ветхыми кунами.
Оже съгренеть чюжее жене повои с головы или дщьри, явится простоволоса, 6
гривн старые за сором.
Оже тяжа родится бес крови, снидутся послухи, и русь и немци, то вернуть
жеребьее; кому ся выимьть, роте шед, свою правду възмуть.
Оже емати скоть варягу на русине или русину на варязе, а ся его заприть, то 12
муж послухы, идеть роте, възметь свое.
Оже родится тяжа в Немцехъ новгородцю, любо немчину Новгороде, то рубежа
не творити, на другое лето жаловати; оже не правять, то князю явя и людем , взяти
свое у гости.
Оже тяжа родится в Новгороде; оже тяжа родить в ыное земли в рускых
городех, то у тех свое тяже прашати, искати Новугороду не надобе, а тяжа на городы, а
немчин свободить и новгородци.
Оже придет в своеи лодьи в немецкои домочь, аче сам не поидьть в ней опять
муж, дасть кърмьнику.
Немчина не сажати в погреб Новгороде, ни новгородца в Немцьх, нъ емати свое
у виновата.
29

Страницы